46歲老牛鄭嘉穎逼婚24歲陳凱琳父母閘住：「痴線!我蝕本㗎！」

從未試過公開拖女友的鄭嘉穎一反常態，早前十指緊扣陳凱琳出席胡杏兒婚禮逼婚，據知鄭媽媽也有份催婚。

半百鄭嘉穎逼婚陳凱琳父母閘住：我蝕本㗎！ 首頁»新聞»香港 46歲老牛鄭嘉穎逼婚24歲陳凱琳父母閘住：「痴線!我蝕本㗎！」 比卡超|2016-01-09|檢舉 廣告 從未試過公開拖女友的鄭嘉穎一反常態，早前十指緊扣陳凱琳出席胡杏兒婚禮逼婚，據知鄭媽媽也有份催婚。

半百鄭嘉穎逼婚陳凱琳父母閘住：我蝕本㗎！ 46歲鄭嘉穎和24歲陳凱琳的父女戀打得火熱，為箍實家族資產15億的有米女友，鄭嘉穎不但一改唔認女友作風，更心急逼婚，向陳凱琳狂施壓。

但另一方面，陳凱琳的父母卻嫌「未來女婿」年紀大又唔夠班，兩夫婦齊齊落閘，向寶貝女閃婚sayno！想做15億駙馬，鄭嘉穎冇咁易！杏兒婚禮上催婚追到屋企富貴，又靚又嫩口的陳凱琳，過往奉行男尊女卑的鄭嘉穎一反常態，出盡渾身解數，箍實有米女友；公開認愛之餘，就算在大陸開工人不在港，亦全天候視像電話保持通話，只要時間配合，定必安排女友北上探班，務求人盯人，嚴防觀音兵埋身。

由於年齡、家底都有距離，明知女友條件好大把貨，為免夜長夢多，鄭嘉穎開始進一步，向拍拖只有一年的陳凱琳逼婚。

「嘉穎年紀唔細，覺得自己係時候組織家庭，而且Grace（陳凱琳）條件咁好，佢都怕俾人撬咗去，所以近期借啲意就會同Grace提結婚。

最近嗰次，仲係響杏兒個婚禮，嘉穎見氣氛啱，問Grace：『幾時輪到我哋？』Grace聽到只係笑嚇，冇答應佢。

因為當時嘉穎飲大兩杯，都講得幾大聲，所以同檯都有人聽到。

」當晚有份在場人士說。

廣告 週一（1月4日）記者向陳凱琳父母求證女兒閃婚一事，陳父二話不說落閘：「我個女事業先剛剛起步，邊有咁快！」當問到可有見過女兒男友，陳母斬釘截鐵話：「喺電視機咪見過囉！」可見鄭嘉穎在女友家人眼中，印象極差。

陳父雖然家境富裕，住九龍塘獨立屋，但為人低調、踏實，喜歡自己做司機接載家人。

未成功入屋對鄭嘉穎催婚，陳凱琳採取以靜制動的態度，除了自己仲年輕，事業仍在衝刺階段，最重要是，她好了解男友尚未過到父母一關。

據了解，陳凱琳過往曾安排鄭嘉穎見家長，但每次提出，父母都表示時間唔啱就唔到，藉故拒絕。

鄭嘉穎尚未「入屋」成功，所以逢大時大節，陳凱琳要返屋企交人，焗住各有各玩。

剛過去的聖誕節，陳凱琳陪家人打邊爐，鄭嘉穎只好黐住林夏薇和陳展鵬去夜蒲。

「Grace明白爹哋、媽咪對佢期望好高，又驚佢揀錯對象，所以屋企人冇咁易會接受嘉穎，呢一點佢都好明白。

畢竟嘉穎都四十六歲，只係同自己爹哋差幾年，加上家境有距離，拍拖已經好大壓力；嘉穎開始逼婚，Grace就更加煩。

」知情人說。

廣告 半百鄭嘉穎想成家，難怪近日頻頻高調拍拖，早前二人孖住到銅鑼灣買餸，再返男方大坑家玩煮飯仔，體驗夫妻生活。

去年10月，鄭嘉穎扮後生，陪陳凱琳到海洋公園玩鬼屋，之後再殺落天后食糖水，然後再雙雙返歸過夜，夠曬盡興。

《蘋果日報》圖片《蘋果日報》圖片不急於見面對於「未來女婿」鄭嘉穎催婚，陳凱琳父親的態度是反對，完全冇得傾！壹：壹週刊父：陳凱琳父親壹：贊成Grace閃婚嗎？父：唔會，點會咁快閃婚呀！壹：有冇見過嘉穎？父：未見過。

壹：若果真係閃婚，你會介意？父：唔會，佢（陳凱琳）一定俾我見咗先嘅。

壹：如果嘉穎真係做你女婿……父（搶答）：嘩，呢個十畫都未有一撇喎！我個女都未同我介紹，我都未見過佢。

壹：如果真係做你女婿，鍾唔鍾意呀？父：唔可以咁早落一個結論，對大家都唔公平，所以我唔會咁快答。

壹：會否想同嘉穎快點見面？父（猶豫）：我又唔急嘅。

壹：佢哋已經發展得好穩定！廣告 父（落閘）：我個女好後生，事業剛剛起步，邊有咁快，我蝕本㗎咁樣！父女戀打得火熱，去年6月鄭嘉穎與陳凱琳被本刊拍得同遊法國返港。

甫落機，陳再跟男友返家宿一宵，翌日才回家報到，因此已觸怒陳父。

一吻定情。

去年初，陳凱琳與鄭嘉穎拍《殭》撻著。

陳父母對女兒呵護備至，經常一家出去食飯，亦順便睇實女兒。

睇電視見過至於陳凱琳母親，亦跟丈夫同一口徑，對鄭嘉穎表現抗拒。

壹：壹週刊母：陳凱琳母親壹：有冇見過嘉穎？母：電視機咪見過囉！壹：如果佢哋閃婚，你贊成嗎？母：哎吔，你哋（記者）嚇死我，等我定嚇驚先！壹：如果佢哋真係結婚，嘉穎做你女婿，你會滿意嗎？母：都俾你哋嚇到未定神！鄭嘉穎信奉泰國四面佛多年，似乎他要拜多幾次神，求女友父母接受他。

鄭嘉穎近年北上為家，與他friend底的樂易玲便代為關照女友，連睇騷都陪實。

畢業於加拿大西門菲莎大學的陳凱琳，自小受父母高度栽培，細細個已是小提琴高手。

如果閃婚咁就曬料。

廣告 週一記者再向陳凱琳求證被逼婚一事，她索性封口，急步衝入電視城。

鍾意唔認數「趙完唱」，衰格！但食完唔認數，一樣離譜！鄭嘉穎亦有唔認女友的習性，所以，他破格公開認愛甚至拖手，陳凱琳定是他的終極目標。

拒認周麗淇03年合作《翡翠戀曲》發展地下情，鄭嘉穎雖然多次被拍得出入女方香閨，但仍堅決否認戀情。

直至08年暗撻佘詩曼，周麗淇怒斬5年情。

踢阿佘下車08年拍《法證先鋒II》撻著，同年9月，有日八號風球，鄭嘉穎接佘詩曼返南圍村屋遇上「死火」，要村民幫手推車令戀情曝光。

多月後，載阿佘離開南圍斷正，鄭嘉穎情急下踢阿佘下車，極冇品！即棄徐靖雯10年被拍得窩藏23歲國產model徐靖雯，二人在南圍村屋禁室72小時，但戀情見光死，鄭嘉穎懷疑有人放料，即撇！壓力下分手戀愛自由的年代，但到某個階段，就要面對家長一關。

不少名氣界情侶，因為家庭壓力要分手收場。

賭王三太11年何超雲與陳山聰撻著後，有傳三太陳婉珍和賭王嫌男方個底花又結過婚，反對二人一起。

反叛超雲於是出走歐洲，以拒返港行動作反抗，最終三太妥協，任由寶貝女碰釘，拍拖兩年，終於因為money而分手。

廣告 愛財何世根何傲兒、何傲芝父親何世根向來對揀「女婿」有高要求，細女何傲兒早前便被前度周子揚踢爆，二人拍拖期間，何父對他不滿並將女兒介紹給「爺爺」林建名，又被女友胞姊苛索每月廿萬家用；年前何傲芝與蕭正楠拍拖時，亦有指何父嫌棄男方事業無成。

戴思聰戴蘊慧與吳國敬拍拖三年，最終因家庭壓力而分手。

之後戴蘊慧火速下嫁馬來西亞香蕉園太子爺謝志雅，有傳二人是戴思聰一手撮合。

文章來源:https://www.twgreatdaily.com/cat99/node836234轉載請註明來源：今天頭條 強制要女友比400萬自己出20萬阿德上樓成功 香港新聞|2019-03-06 他支持了暴徒幾個月，暴徒卻一把火燒了他的鋪！ 世界資訊|2019-11-16 黃心穎許志安偷情男友馬國明發文回應 水靈|2019-04-16 頭先約左個女仔出去旺角站交收，點知佢出到黎竟然咁痴線 香港新聞|2019-03-08 【內有視頻】終極片段曝光！「安心」一起下車上樓！ 水靈|2019-04-18 其實港女成個人生都係自己攞黎賤 香港新聞|2019-03-10 【有圖】大肚4個月仲摟人diu佢：我老公啲兄弟都X過曬我 愛分享|2019-03-12 【全身名牌跑路!】直擊黃心穎在美國洛杉磯，沉默10天吐出這句話，馬國明知... 水靈|2019-04-28 【鄭秀文、馬國明被戴綠帽！】狗男女秘交兩年！知情人士爆料：姣婆黃心穎主動... 水靈|2019-04-17 識咗個ＡＩＡ美女保險經紀，買咗5000蚊保險，個個月都可以同佢去九龍塘「... HolyMo...|2019-06-05 【中伏淘寶】淘一對手套變2隻都係左手？賣家1圖1句說話K.O.你！巴打：... |2019-04-12 琴日係大家樂見到個中環OL想打尖，有個地盤佬好大聲咁係度屌佢...我... 香港新聞|2019-03-10 ©2021|條款!|隱私