【DSE 中文卷三】中文綜合格式全攻略(附整合拓展、見解論證 ...

AfterSchool 將會喺呢篇文章分享DSE 中文綜合見解論證、整合拓展、語境意識嘅星級技巧，用最簡易嘅思路令大家迅速掌握綜合卷嘅得分關鍵。

探索課程 導師團隊 問答社區 學習專欄 登入 免費註冊 主科中文英文數學通識理科生物化學物理文科歷史中史地理商科經濟企會財其他M1M2ICT視覺藝術其他#學習心得 #考試技巧 #中文 【DSE中文卷三】中文綜合格式全攻略(附整合拓展、見解論證技巧) 靜研中文 ｜2020-8-18｜314,104同學成日話要操卷，想令中文進步，但中文咁多分份卷入面，同學往往唔願意多花時間喺DSE中文卷三上，原因一般係：「嘩，唔想做中文綜合啊，又悶又多嘢寫。

」 「做嚟做去都係得嗰少少分數，不如做其他重好啦！」 「有時間做綜合不如寫多篇作文啦！」 「卷三次次都寫唔曬，寫到個人好灰......」 「咪又係一個寫字鬥快嘅比賽，我輸硬啦，寫字咁慢。

」但係，如果你問我邊份卷最容易拎到5**，我一定會答你，係中文卷三。

AfterSchool將會喺呢篇文章分享DSE中文綜合見解論證、整合拓展、語境意識嘅星級技巧，用最簡易嘅思路令大家迅速掌握綜合卷嘅得分關鍵。

除此之外，我重整合咗五大常見嘅中文卷三格式，釋除同學對綜合卷嘅恐懼，為各位打造2022年中文DSE嘅奪星之路。

目錄 DSE中文卷三比重及歷年cutoff DSE中文卷三常見實用文格式中文綜合投稿或專題文章格式中文綜合演講辭格式中文綜合建議書格式中文綜合書信格式DSE中文綜合語境意識DSE中文卷三綜合整合拓展星級技巧DSE中文聆聽及綜合能力卷三建議時間分配DSE中文綜合卷常見問題   DSE中文卷三比重及歷年cutoff 根據考評局公布嘅各卷嘅分數分佈，DSE中文卷三所佔嘅比例高達18%，只係比中文卷一閱讀理解及卷二作文少6%，但拎呢18%嘅難度係遠遠低於作文個24%。

所以，我哋又點可以輕易放棄中文卷三呢？我哋一齊睇下究竟中文卷三要做到幾多percent先可以拎到5以上嘅成績，根據2020年嘅中文卷三cutoff，拎到7成以上嘅分數就會有Level5以上。

7成？！可能大家會覺得7成呢個數字聽落好誇張。

其實，識得「拆件攞分」，成件事就變得簡單。

部分比重語境意識10分整合拓展16分見解論證14分表達組織10分 卷三嘅評分標準分成4個部分，分別係語境意識10分，整合拓展16分，見解論證14分，表達組織10分，夾埋就50分。

喺語境意識部份如果格式正確，文章頭尾兩段稍稍交代背景資料，行文語氣正正常常，就可以拎到六分以上；到表達組織，只要你篇文章有頭有尾，中間寫個普通嘅過渡段，語句通順，都應該可以拎到6分以上。

呢兩個部分夾埋已經攞到12分，你只需要再拎23分就已經係7成分數。

我當年做綜合練習嘅時候，都係依循住呢個思路，篇文章嘅最高分數試過爆seed上到去45/50分，係接近9成嘅分數，而正常發揮都會維持喺37至40分嘅水平。

   DSE中文卷三常見實用文格式 語境意識最重要一環、大家咨詢度最高嘅一定係中文卷三格式。

中文綜合格式正正係突破Level5關口嘅基本條件，所以以下提供咗幾款常見嘅中文卷三格式畀大家溫習一下：中文綜合投稿或專題文章格式 標題配合文章內容及立場(如有)自擬標題，並將之置中。

內文交代寫作背景或者撰文動機等特定背景資料，不必自我介紹，然後就入正文。

署名根據聆聽或閲讀材料要求而定。

中文綜合演講辭格式 開啓語對聽眾地位的順序稱呼。

內文說明演講的原因及開場白等特定背景資料，然後就入正文。

結束語表達謝意及簡單祝福語句。

中文綜合建議書格式 上款收訊者的稱謂。

標題置中，如「————建議書」或「建議————」。

內文交代特定背景資料，然後就入正文。

下款置右，寫提建議者身份及名字。

日期寫於下款的下一行，置左。

中文綜合書信格式自薦信 上款收信人的稱呼+尊鑒。

首段自我介紹+從(資料來源)得悉(機構)招募(職位/角色)等特定背景資料，然後就入正文，結尾須表達希望被錄取的展望等特定背景資料。

祝頌語寫在結尾的下一行，「敬祝」隔兩格，祝頌語嘅內容要喺下一行頂格寫。

下款置右，先寫寫信人職位/稱呼，下一行再寫寫信人名字，名字後面加「啓/謹啓」。

日期寫於下款的下一行，置左。

公開信2018年令眾考生乍舌嘅公開信，都係屬於書信嘅一種，包含： 上款收信人的稱呼 下款寫在右下角，先寫寫信人的職位/稱呼，下一行再寫寫信人名字。

日期寫於下款的下一行，置左。

一定有同學咁問：「如果咁啱冇背到嗰個格式點算？」其實中文卷三格式除咗背，都可以參考試卷上嘅聆聽及閲讀材料。

因爲考評局都好驚大家唔識中文綜合格式呢家野，所以會喺第二段錄音末尾提醒大家少少格式同語氣嘅注意事項。

以 DSE2018年中文卷三為例，呢一年題目要求同學以「學生會學習日工作小組主席」寧樂行嘅身份，撰寫公開信一封，向全體同學介紹走出教室應有嘅兩種學習態度等等。

錄音稿裏面話「以工作小組的身份」、「二月份之内交稿」，就係考評局畀同學嘅提示。

首先提咗你要以邊個身份寫，仲提埋你要寫日期同寫幾時。

所以，就算文體陌生，都可以從錄音搵到關於中文綜合格式嘅線索！背完格式係唔係就滿分呢？當然唔係啦。

要知道考評局嘅信條就係字字珠璣，即但凡喺卷上出現嘅文字，或錄音裏面提過嘅內容，都有可能係補充語境意識嘅重點。

再講，中文綜合格式只係一個框架，太多細節冇包含到。

比如話，我地背嘅格式有無同我地講要呼籲啲咩？有無叫我哋喺最後多謝邊個？明顯無啦。

所以，唔可以一本通書讀到老。

同學仔，要識得聽考評局畀嘅提示啊！  DSE中文綜合語境意識除咗綜合格式，語境意識上相信大家都比較擔心措辭語氣，因為感覺好虛。

不過，當然有規律可以依循啦。

例如如果聆聽錄音提示你行文語氣要「莊重得體」，你就唔可以寫口語，唔可以故作搞笑，唔可以比人地一種高高在上嘅態度。

語境意識講到尾都係考核同學對真實情境嘅還原度，只要平時多啲思考對老師、對平輩、對上司等唔同角色嘅態度，語氣就會掌握得當。

當然，中文卷三嘅語境意識又豈止語氣同格式？首尾段嘅背景、目的、呼應、展望等都係攞分位！  DSE中文卷三綜合整合拓展星級技巧 好多人對中文卷三都會有個誤解：整合拓展等於將聆聽內容同資料內容抄晒落去。

但當份卷派返落嚟，就會發現整合拓展好似已經抄齊嘢，都只得一半分數。

原因係，你只係做咗整合，冇做到拓展。

之前我未清楚咩叫拓展嘅時候，都會陷入同大家一樣嘅困境。

事實上，拓展只不過係喺你哋所抄內容嘅基礎上，再行多一步。

何況，同前幾年嘅PastPaper相比，近兩三年嘅中文綜合卷喺題目部分已經將拓展方向寫出嚟，只係大家唔識得點樣利用。

繼續用DSE2018中文卷三為例，拓展方向就係「該態度對於走出教室學習的重要性」。

咩意思呢？即係佢希望你寫呢兩種學習態度對於走出課室學習有咩好處。

譬如閲讀材料入面嘅第一個態度「熱心發問」同活動「知錯能改：釋囚人士樂分享」呼應，一般同學會將資料入面「熱心發問」呢一欄嘅內容全部抄晒落去，然後覺得自己已經講咗個重要性。

可惜世事邊有咁輕鬆？尤其以考評局一貫作風，就算佢大發慈悲話你聽拓展方向，佢都會要求你去再諗多一步。

例如，可以諗下釋囚人士分享會有咩特色需要學生有好奇心同勇於發問？發問之後學生可以有咩得著？如果係我，就可能會答：保持好奇心、勇於發問能令同學活躍講座氣氛，讓釋囚人士根據問題去展開更深入的闡述，揭開他們的內心世界以及日常生活，使同學增加對社會小衆的瞭解。

其實你會發現，一個方面當中某層次嘅論述，如果中point其實都係一句起兩句止嘅事，唔需要長篇大論。

  DSE中文聆聽及綜合能力卷三建議時間分配 中文綜合卷各部分時間分配 首段及尾段~10分鐘 整合拓展~30分鐘 見解論證~30分鐘 中文卷三時間得1個半鐘，扣埋聆聽部分，其實都係得75分鐘寫文，咁如果真係唔夠時間完成綜合卷點算呢？當考試時間去到最後十分鐘，你應該判斷到自己做唔做得切。

如果你預計無可能寫完成個見解論證，咁我建議你及時收手，直接寫結尾，令綜合格式完整。

因為若然你中文綜合格式唔完整，唔單止會影響表達組織嘅分數，仲會扣埋語境意識嘅分數。

表達組織好大機會落到中下品，大概4分；語境意識都有機會落到中下品，又係4分，夾埋得8分，同我喺文章開首講嘅「有頭有尾，格式語氣正常，就會拎到十二分」相差4分，亦有可能因爲咁樣同Level5+失之交臂。

即使你用盡呢10分鐘去草草寫多一個見解論證，你都未必可能從中拎多4分。

但係，呢十分鐘絕對夠你去寫一個完整嘅結尾。

兩者相比，當然係拎返有揸拿嗰四分比較划算。

DSE中文綜合卷常見問題Q：見解論證係咪同「吹水」差唔多？使唔使畀好多例子？A：中文卷三嘅見解論證唔係純「吹水」，而要有一定框架，類似於通識嘅建議題。

先寫好建議實施嘅步驟(或活動內容)，然後指出問題所在，再寫嗰個建議如何解決問題(或活動如何達致成效)，輔以一個實例作為論據。

同學甚至可以加入「局限性」，「可行性」等考量。

至於需唔需要海量例子，其實要明白嘅係考試時間得一個半鐘，唔容許我哋對文字多加雕琢，又或者舉大量嘅例子。

你寫一百個例子，同寫一個解說得好完備嘅例子，都係拎一樣嘅分數，就係7分。

Q:喺表達組織方面，我係唔係需要修飾我嘅句子，用多啲修辭？A:其實，表達嘅基本要求係語句通順，表達清晰，修辭並唔係一個需要特別關注嘅位。

所以，最緊要就係用簡單且通順嘅句子表達段落內嘅邏輯關係。

好多時候，同學選擇放棄中文卷三，係因為「字數多但分數少」嘅挫敗感。

而今日教大家喺語境意識搶分、喺表達組織留神、精簡整合拓展，就係為咗講畀大家聽：比起一味鬥多字而行文冗餘，掌握寫作要點而拓展圓備先係就重要！免費DSE電子報定期為30,000+中學生送上實用DSE資訊和資源 立即免費訂閱 靜研中文👩🏻‍🎓中文科碩士級導師．專科專教👩🏻‍🏫多年中文補習經驗．無數學生好評⭐DSE中文5**．真正實戰狀元📚當代影視文學、韻文習作、儒家經典、楚辭奪A/A-成績分享文章 相關課程 中文DSE中文：閱讀搶分技巧班 4.6558人已報讀 最後0個學位 靜研中文 $300$50中文綜合搶分速成班 4.56648人已報讀｜共1.0小時 靜研中文 $300免費中文2023/24DSE中文:中四、五常規課程第十二期 4.825人已報讀｜共10.0小時 靜研中文 $800中文DSE中文：皇牌衝刺課程第二期 4.7164人已報讀 尚餘少量名額 靜研中文 $950中文 DSE中文：閱讀搶分技巧班 4.6558人已報讀 最後0個學位 靜研中文 $300$50中文 綜合搶分速成班 4.56648人已報讀｜共1.0小時 靜研中文 $300免費中文 2023/24DSE中文:中四、五常規課程第十二期 4.825人已報讀｜共10.0小時 靜研中文 $800中文 DSE中文：皇牌衝刺課程第二期 4.7164人已報讀 尚餘少量名額 靜研中文 $950 你可能感興趣的文章 【DSE白話文】中文卷一白話文技巧大全(附主旨題、分段技巧)AfterSchool｜2022-6-19｜3,903【DSE文言文】中文卷一文言文技巧大全(附文言文練習方法、文章語譯)靜研中文｜2022-5-18｜4,126【修辭手法大全】DSE中文卷一、中文作文修辭手法例子+用法靜研中文｜2022-2-7｜7,162【必入計數機Program】DSEMathsCal機攻略Casiofx50fhii/fx3650pGaryMaths｜2021-12-23｜30,099 探索課程 導師團隊問答社區學習專欄購物車(0)你的購物車空空如也...瀏覽課程